Nýtt myndband um rekjanleikavottun komið út
Komið er út nýtt video sem útskýrir rekjanleikavottun undir merkjum Iceland Responsible Fisheries með myndrænum hætti. Áður hafði verið gefið út video um vottun á fiskveiðum.
Markmiðið með þessu myndefni er að gera lifandi myndskeið sem útskýrir á áhugaverðan hátt, óháða vottun þriðja aðila á ábyrgum fiskveiðum Íslendinga undir merkjum Iceland Responsible Fisheries og skapa aukinn skilning á vottuninni og efla traust á íslenskum sjávarafurðum. Markmiðið er einnig að útskýra gildi rekjanleikavottunar og tækifæri til upplýsingamiðlunar til neytenda.
Það var AVS sjóðurinn sem styrkti framleiðslu á þessu efni og Playmo sá um samsetninguna. Handritið var unnið í samstarfi nokkurra aðila en þeir voru: Finnur Garðarsson, Hrefna Karlsdóttir, Guðný Káradóttir, Sveinn Birkir Björnsson og starfsmenn Playmo.
Myndböndin eru aðgengileg bæði á YouTube og Facbook síðu IRF. og allir geta nýtt sér efnið til að kynna ábyrgar fiskveiðar Íslendinga og vottun.