Fréttir og útgáfa

Viðburðir

China Seafood Expo

Hvenær
01. nóv. - 03. nóv.

Staðsetning
Quingdao

Íslandsstofa og Iceland Responsible Fisheries (IRF) skipuleggja þátttöku íslenskra fyrirtækja í sjávarútvegssýningunni China Fisheries & Seafood Expo sem haldin verður dagana 1.-3. nóvember 2017. Að þessu sinni fer sýningin fram í borginni Qingdao, Austur Kína.

Björgvin Þór Björgvinsson, bjorgvin@islandsstofa.is, verður fulltrúi Iceland Responsible Fisheries og Íslandsstofu á sýningunni, kynnir þar IRF, ábyrgar veiðar, vottun sem og markaðsmál. Á sýningunni verður dreift bæklingi á kínversku um IRF, íslenskan sjávarútveg og helstu fisktegundir. 

Fjöldi sýnenda og gesta á China Fisheries & Seafood Expo hefur meira en tvöfaldast á undanförnum árum og er sýningin stærsta sinnar tegundar í Asíu með yfir 28.000 gesti og um 1400 sýnendur. Sýningin er m.a. ætluð fyrirtækjum í vinnslu sjávarafurða, framleiðslu tækni- og tækjabúnaðar, sem og öðrum sem sinna þjónustu við sjávarútveginn. Þau íslensku fyrirtæki sem taka þátt eru VSV, Iceland Pelagic, HB Grandi, Tríton og Icelandic Hong Kong. 

Berglindi Steindórsdóttur sýningarstjóri hefur umsjón með þjóðarbás Íslands á sýningunni, berglind@islandsstofa.is.

Nánari upplýsingar um China Fisheries & Seafood Expo er að finna á vef sýningarinnar.