IRF og ASMI héldu sameiginlegan hádegisverðarfund á sjávarútvegssýningunni í Brussel undir yfirskriftinni "The Evolution of Sustainability and the Role of Choice". Fundurinn var vel sóttur af kaupendum og viðskiptavinum íslenskra sjávarútvegsfyrirtækja og fyrirtækja í Alaska, auk fleiri hagsmunaaðila.

Fyrirtækið Primex á Siglufirði sem framleiðir kítin og kítósan úr rækjuskel hlaut Nýsköpunarverðlaun Íslands sem afhent voru á Nýsköpunarþingi 2012. Þetta er mikil viðurkenning fyrir það mikla nýsköpunarstarf sem unnið er í íslenskum sjávarútvegi og gott dæmi um fullnýtingu hráefnis.

Uppruni, vottun og ábyrgar fiskveiðar voru kynntar undir merkjum IRF á sjávarútvegssýningunni í Boston. Ísland og Alaska tóku höndum saman og héldu sameiginlegan hádegisverðarfund undir yfirskriftinni The evolution of SUSTAINABILITY and the role of CHOICE.

Iceland Responsible Fisheries (IRF) verður kynnt á sjávarútvegssýningunum í Boston 11.-13. mars nk. og í Brussel 24.-26. apríl. Erlendum kaupendum verður boðið til hádegisverðarfundar samhliða báðum sýningunum þar sem ábyrg nýting auðlinda hafsins verður til umræðu og þáttur hennar í markaðssetningu á sjávarfangi.

Um 100 manns mættu á fund IRF til að kynna sér vottunarkerfið og þýðingu ábyrgra fiskveiða í markaðssetningu á íslenskum sjávarafurðum í Þýskalandi.